(അൽ ഫുർഖാൻ സെന്ററിന്‌ വേണ്ടി 2010 ൽ എഴുതിയത്‌)
അല്ലഹു അക്ബർ .................. അല്ലാഹു അക്ബർ ..................
ലോക മുസ്ലിംകൾ അല്ലാഹുവിനെ മഹത്തപ്പെടുത്തി ഈദ്‌ മുസല്ലയിൽ ഒരുമിച്ച്‌ കൂടുന്ന സുദിനം .. ഈദുൽ ഫിത്വർ.സന്തോഷത്തോടെ ആഹ്ലാദത്തോടെ അവർ ഉരുവിടുന്നു
വിശ്വാസികൾക്ക്‌ രണ്ട്‌ ആഘോഷങ്ങളാണ്‌ അല്ലാഹു നിയമ വിധേയമാക്കിയത്‌. ഈദുൽ ഫിത്വറും ഈദുൽ അധയും. അവ രണ്ടും ദൈവ പ്രീതിക്കായുള്ള ത്യാഗ പരിശ്രമങ്ങളേയും അർപ്പണ ബോധത്തെയും പ്രതിനിധീകരിക്കുന്നു.
വിശ്വാസികളൂടെ കഴിഞ്ഞുപോയ ദിന രാത്രങ്ങൾ, അന്ന പാനീയങ്ങൾ ഉപേക്ഷിച്ചു, നോട്ടം സംസാരം ഇടപഴകൽ, തുടങ്ങിയവയിലെല്ലാം ശ്രദ്ധയും നിയന്ത്രണവും. പലതും ത്യജിച്ചു. പലതും അനുഷ്ഠിച്ചു. അങ്ങിനെ ജീവിത രീതിയെ സൂക്ഷമമായി ചിട്ടപ്പെടുത്തി.
വിശ്വാസികളൂടെ കഴിഞ്ഞുപോയ ദിന രാത്രങ്ങൾ, അന്ന പാനീയങ്ങൾ ഉപേക്ഷിച്ചു, നോട്ടം സംസാരം ഇടപഴകൽ, തുടങ്ങിയവയിലെല്ലാം ശ്രദ്ധയും നിയന്ത്രണവും. പലതും ത്യജിച്ചു. പലതും അനുഷ്ഠിച്ചു. അങ്ങിനെ ജീവിത രീതിയെ സൂക്ഷമമായി ചിട്ടപ്പെടുത്തി.
ദികുറുകൾ ഖുർആൻ പാരായണം തുടങ്ങിയവയാൽ നിമിഷങ്ങളെ ധന്യമാക്കാൻ കഴിഞ്ഞതിലുള്ള സംതൃപ്തി. നിമിഷാർധങ്ങൾ മനസ്സിനെ പ്രാർത്ഥനാ നിർഭരമാക്കി, കഴിഞ്ഞുപോയ നാളുകളിൽ ജീവിതത്തിൽ വന്നു പോയ വീഴ്ചകളിൽ നിന്നും തെറ്റുകളിൽ നിന്നുമോചനം തേടുകയും പശ്ചാത്താപ മനസ്സുമായി നിരന്തരമായ പ്രാർത്ഥനകൾ വഴി തന്റെ ജീവിതം പരിശുദ്ധമാക്കാൻ പരിശ്രമിച്ചതിലുള്ള സന്തോഷം. ആയിരം മാസങ്ങളെക്കാൾ ഉത്തമമായ ലൈലത്തുൽ ഖദറിലൂടെ കടന്നു വന്ന്‌ അതിന്റെ പുണ്യം കരസ്ഥമാക്കാൻ കഴിഞ്ഞതിലുള്ള അനിർവ്വചനീയ്യമായ അനുഭൂതി. ഈ സന്തോഷങ്ങളുടേയും ആഹ്ലാദത്തിന്റെയും സമ്മേളന വേളയാണ്‌ ഈദുൽ ഫിത്വർ.
അല്ലഹു അക്ബർ .................. വലില്ലാഹിൽ ഹംദ്‌ ...
പരസ്പര സ്നേഹത്തിന്റെയും സാഹോദര്യത്തിന്റെയും പ്രഖ്യാപനമാവണം ഈദ്‌ ആഘോഷം. ഇസ്ലാമിക സംസ്കാരവും തനിമയും ഉയർത്തിപ്പിടിക്കുന്ന വിനോദങ്ങൾ ആഘോഷവേളക്ക്‌ നിറപ്പകിട്ടേകും. പക്ഷെ അവ ദീനി ചട്ടക്കൂട്ടിൽ ഒതുങ്ങി നിൽക്കുന്നവയായിരിക്കണം. ന?കളോട്‌ ചേർന്ന്‌ നിൽകുന്ന വിനോദങ്ങൾ മനസ്സിന്‌ ആനന്ദമേകും. ഒരു വിനോദവും പാടില്ല എന്ന നിഷേധാത്മകതയോ ആഘോഷമല്ലേ എന്തുമാവാം എന്ന അനിയന്ത്രിത സമീപനമോ അല്ല ഇസ്ലാമിനുള്ളത്‌.
പുതുവസ്ത്രങ്ങളണിഞ്ഞ്‌ തക്ബീർ ധ്വനികൾ ഉരുവിട്ട്‌ ഈദ്‌ നമസ്കാരത്തിൽ പങ്കെടുത്ത്‌ വിഭവ സമൃധമായ ഭക്ഷണവും കഴിഞ്ഞ്‌ പിന്നെയുള്ള ആഘോഷം സിനിമാ ശാലകളിലോ ഗാനമേള, നൃത്ത വേദികൾ എന്നിവയുടെ മുന്നിലേക്കോ മാറുന്നു. വ്രതാനുഷ്ഠാനത്തിലൂടെ നേടിയെടുത്ത സർവ്വ ആത്മീയ പരിശുദ്ധിയും ഒറ്റ രാത്രികൊണ്ട്‌ അവിടങ്ങളിൾ ഉപേക്ഷിക്കപ്പെടുന്നു. ആഘോഷങ്ങളുടേയും വിനോദങ്ങളുടെയും ഇസ്ലാമിക നിർദ്ദേശങ്ങൾ പാലിക്കാനും ആത്മ വിശുദ്ധി കാത്ത്‌ സൂക്ഷിച്ചുകൊണ്ട്‌ പരസ്പര ബഹുമാനവും സ്നേഹവും സാഹോദര്യവും പങ്ക്‌ വെക്കാനും സുഹൃദ്ബന്ധവും കുടുംബ ബന്ധവും ഊട്ടി ഉറപ്പിക്കാനും ആശംസകൾ കൈമാറി ഈ ആഘോഷ വേളയെ നമുക്ക്‌ ധന്യമാക്കാം . നാഥൻ അതിന്‌ അനുഗ്രഹിക്കുമാറാവട്ടെ.
എല്ലാ സഹോദരീ സഹോദരൻമാർക്കും അൽ ഫുർഖാൻ സെന്ററിന്റെ ഈദ്‌ ആശംശകൾ.
0 comments:
Post a Comment