ഏറെ ആവേശത്തോടെയായിരുന്നു പലരും പതിമൂന്നാം തീയ്യതി ടെലിവിഷനു മുന്നിൽ കുത്തിയിരുന്നത്‌. സ്ക്രീനിൽ മിന്നിമറയുന്ന നമ്പറുകളും അവതാരകരുടെ കമന്റുകളും ആവേശത്തെ തള്ളിമാറ്റി പകരം ആശ്ചര്യവും അതിനെ ചവിട്ടിമാറ്റി ആശങ്കയും നൽകി. എഴുപതെ എഴുപത്‌ എന്ന്‌ ശബ്ദമുയർത്തിയുള്ള എനോൻസ്മന്റ്‌ കേട്ടതോടെ ഉദ്വേഗത്തിന്റെ കൊടുമുടിയിലെത്തിയിരിക്കാം പലരും. ഇത്തവണത്തെ നിയമസഭാ തെരഞ്ഞെടുപ്പ്‌ രാഷ്ട്രീയ വിദ്യാർത്ഥികൾക്ക്‌ പഠിക്കാൻ മാത്രമുണ്ട്‌. എന്താണ്‌ ഈ തെരഞ്ഞെടുപ്പ്‌ നൽകിയ സന്ദേശം എന്ന്‌ ആലോചിച്ചപ്പോൾ വന്ന ചില ചിന്തകളാണ്‌ ഈ പോസ്റ്റിന്‌ കാരണം.
പാക്കിസ്ഥാൻ മിലിട്ടറി അക്കാദമിയുടെ സമീപത്തെ ബംഗ്ലാവിൽ താമസിക്കുകയായിരുന്ന ലാദനെ കുറിച്ച്‌ കഴിഞ്ഞ ആഗസ്റ്റിൽ (2010) ആണ്‌ അമേരിക്കൻ സേനക്ക്‌ വിവരം ലഭിച്ചതു എന്ന്‌ അവർ പറയുന്നു. ആ ഒരു പ്രസ്താവനയോട്‌ നിരീക്ഷകർ പല വിധത്തിലുമാണ്‌ പ്രതികരിച്ചിരിക്കുന്നത്‌. മുൻപ്‌ അഫ്ഗാനിനേയും, ഇറാക്കിനേയും ഇപ്പോൾ ലിബിയുടേയും കാര്യത്തിൽ നിമിഷങ്ങൾക്കുള്ളിൽ ഇടപെടുകയും സൈനിക നടപടികൾ സ്വീകരിക്കുകയും ചെയ്ത അമേരിക്കക്ക്‌ താരതമ്യേന മറ്റുള്ളവരെ അപേക്ഷിച്ച്‌ ശക്തിയോ ആയുധ ബലമോ ഇല്ലാത്ത അവരു പ്രഖ്യാപിത ശത്രുവായ ലാദന്റെ സങ്കേതത്തെ കുറിച്ച്‌ വിവരം ലഭിച്ചിട്ട്‌ നടപടി സ്വീകരിക്കാൻ എട്ടു മാസത്തോളം സമയം വേണ്ടി വന്നു! അതും ലാദൻ ഒളിച്ച്‌ താമസിച്ചുകൊണ്ടിരുന്നത്‌ പാക്കിസ്ഥാൻ മിലിട്ടറി അക്കാദമിയുടെ സമീപത്തും!!
